Жаңалықтар

Жас суретшілер ССГПО қонақта
20 тамыз күні Рудный қаласының балалар көркемсурет мектебінің тәрбиеленушілері еліміздегі ең ірі тау-кен кәсіпорындарының бірі – Соколов-Сарыбай тау-кен байыту өндірістік бірлестігіне (ССГПО) қызықты экскурсия жасап қайтты.
Карьер өз көлемімен және қатаң сұлулығымен жас суретшілерді таңғалдырды. Әсем сатылар, алып техникалар, төменде ойыншықтай болып көрінетін қуатты самосвалдар – мұның бәрі балалардың таңданысын оятып, зор қызығушылық тудырды. Оқушылар экскурсоводтың пайдалы қазбаларды өндіру тәсілдері, өндірістегі қауіпсіздік ережелері және кен өндірісінің ел экономикасындағы маңызы туралы әңгімесін қызыға тыңдады.
— Карьерге жоғарыдан қарасаң, алдыңда тұтас жер астындағы қала тұрғандай әсер аласың, — дейді сапарға қатысушылар. — Барлығы сұр, тас, бірақ соның өзінде өзіндік бір сұлулығы бар.
Серпінді әңгімеден кейін жас суретшілер бірден электровоздың, алып экскаватордың, карьердің өзін қағаз бетіне түсіруге кірісті.
— Біз шәкірттеріміздің көкжиегін кеңейтуге, өнердің әр жерде өмір сүретінін көрсетуге тырысамыз. Тіпті қатал индустриялық пейзаждың өзінен де мұқият қарасаң, сұлулық табуға болады.
Бұл ерекше сапар балаларға ауыр өндірістік еңбектің әлеміне жақындап, адам әрекетінен туындайтын ауқымды табиғи өзгерістерді өз көздерімен көруге, әрине, көптеген жарқын әсер алуға мүмкіндік берді.
Қостанай облысы әкімдігі Білім басқармасы Рудный қаласы білім бөлімінің «Балалар көркемсурет мектебі» КМҚК-ның тәрбие ісі жөніндегі директордың орынбасары Оклей Е.В.